沒有三個女人一個因的第二個周日
【告訴大家Helen被拘捕後，Evie、阿Kai和Theo的二三事】
△阮驊冠辦公室內，Philip仍坐在大班椅，Helen酒杯仍在，但人已拉走，Philip惘然呆滯地未反應過來。
△時有人推門進，Philip赫見是Theo，Theo正色走到Philip跟前。
Philip：（起槓）你唻攞景定贈興呀？
△Theo放下一封信在Philip案頭。
Theo：我係唻遞職信！
△Philip錯愕。
Theo：其實Helen俾唔俾人拉，你都可以繼續打場遺囑官司，分別只在你身邊少左個控制你嘅惡毒女人。
Philip：（不忿）你估我無左Helen就唔敢打？係你趁Daddy最後神志不清打我毒針！我只係攞番我嘅野！
Theo：Philip！清醒啲，阮生嘅遺產無俾到我！
Philip：（一愣，強撐）你損人不利己！
Theo：阮生唔係唔想留俾你，事實上佢有留到俾你，只係換左個形式啫！阮生唔係唔錫你，佢就係太錫你，先用呢個方式去保護你，令你可以一世無憂，有無限可能，做你自己想做嘅事！
△Philip心下忐忑，已動搖。
Theo：呢啲係阮生嘅諗法，至於尊唔尊重你Daddy遺願，你決定。
△Philip呆然。
※　　　　　　　　　　※　　　　　　　　　　※
△一個月後。
△利西佳Chambers水牌位，東伶和白狀步至…
東伶：（水牌是「利西佳資深大律師事務所」）利西佳資深大律師事務所？
白狀：有無搞錯？離晒大譜！
東伶：（指「西」字）係咯，利東佳寫左做利西佳都有！
白狀：唔係講呢樣！（指啫「資深」）實習寫做資深，貨不對辦，違反商品說明條例！
△白狀沒禮貌地強行推門，誰料有人剛好在門後，被門打到，正是一位洋人！他摸著臉呼痛！
白狀：Sorry! But who are you?
Leslie：（不純正廣東話）我係利西佳！
△東伶和白狀錯愕之際，阿Kai拿著飯盒經過，不妙趕上。
阿Kai：Sorry Master！My friend, my sister！
Leslie：（不純正廣東話）叫佢睇路！
阿Kai：Yes! Master!（忙拉東伶和白狀走，邊走邊解釋）阿Master熱愛中華文化，鍾意聽我啲Chinglish，佢入鄉隨俗要我幫佢改個中文名，我講笑話Leslie Guy叫「利西佳」囉，點知佢唻真！
※　　　　　　　　　　※　　　　　　　　　　※
△阿Kai的Pupil劏房，阿Kai領著東伶和白狀至…
東伶：屈質左啲喎…
阿Kai：鬼叫阿Master自己唔鍾意屈質，唯有屈質我地！
白狀：唔駛你俾租咪算好！
△東伶四圍八卦，阿Kai和白狀四目交投同開口—
阿Kai／白狀：師傅有無上你度？（同搖頭，再問）師傅最近點？（見同聲又問）你都好耐無見過佢？
東伶：幾咁奇？（向阿Kai）方狀同公會申報左就暫時停業，無返Chambers咯。（向白狀）大佬佳做Pupil忙到我做妹都見佢唔到！況且都功成身退啦！
△阿Kai聞「功成身退」黯然，誰知白狀更多踩一腳！
白狀：係合約期滿，後會無期！
阿Kai：我地張約無到期日！
白狀：師傅個病通晒天，你啲Logbook交晒！合約要素「代價」已經唔存在！早話師傅唔鍾意你呢亭Loser，果然有景轟！事過景遷，打回原形！
阿Kai：（對因敏感）我Loser？你就Loser！除左師傅，我係銀河唯一打敗過歐陽一波嘅人！師公踎監釘牌封左盤，無人可以打破我紀錄！包括你白狀！
白狀：利東伶，呢個Moment我真係要爆嘞！
東伶：（阻止）唔爆得！
阿Kai：（好奇）爆乜野？我想知！
白狀：（向阿Kai）狄Sir非禮，你臨門先知案件重演成功率得一半，其實師傅一早知啦！
△阿Kai猛地一怔！
白狀：你就好似一個練左好耐波但未入過波嘅前鋒，領隊知你未夠班，但怕你愈踢愈沉，想谷起你啲自信，有十二碼咪俾你射！十二碼，一係入，一係唔入！我喺後面Ready，拎住袁振俠份被害妄想症病歷，你唔入我就執雞！（冷哼）唔係你符碌入波？打敗過歐陽一波嘅人就係我！
△阿Kai被受打擊，東伶見阿Kai難受，即轉移話題。
東伶：Old news is so existing！咪講呢啲！你地無上網Update？紀生做左Running TV美國總公司CEO！
白狀：香港筍盤變國際筍盤，不愧係Winner！（拍阿Kai）你個Loser同我地呢啲Winners打過交道，就當發左場夢，呢世嘅美好回憶啦！
△阿Kai自卑，手機響見「Dr. Bean」接聽。
Dr. Bean：阿Kai，Evie之前去左美國聽日返，佢約左我覆診講下一步治療，Evie話預埋你！
阿Kai：（喜）得！幾點！點都仆出唻！
△未幾，阿Kai掛線向白狀示威！
阿Kai：（得戚）發夢果個係你，師傅連覆診都預埋我呀！
△白狀不忿，東伶大感吹脹。

沒有三個女人一個因的第三個周日
【愁擘擘和勝負師的情誼】
△Kai用Notebook教愁擘擘玩網上遊戲。
Kai：（解釋）你學識玩Online game陣間，就算鎖返你喺房都唔怕悶親喇！
△愁擘擘強笑點頭。
Kai：（指著螢幕細心教愁擘擘）撳呢個掣可以揀裝備，呢條Bar代表速度，呢條Bar代表力量…
△愁擘擘卻聽唔入耳，思緒回到過去。
※　　　　　　　　　　※　　　　　　　　　　※
△接信封面寫「給愁擘擘：」的信放在枱面上。
△Evie看著粵語長片，疲倦，漸漸眼皮垂下來…
△半响，「Evie」重新爬起，抹抹眼角淚珠，然後從梳妝台拿出眼鏡戴上，正正是愁擘擘。
△時愁擘擘赫見桌上有信給她，奇怪，便拆開信看。
△愁擘擘看著信，愁更愁，表情漸漸黯淡，剩下一片愁思。
△半响，愁擘擘把信紙放回信封內，用口水粘回信封，令信封看來原封不動，不讓因知她看過信。
※　　　　　　　　　　※　　　　　　　　　　※
△回現實，時空稍跳，愁擘擘獨自在房內用Notebook玩網絡遊戲，在遊戲Chatroom跟網友傾心事。
愁擘擘（打字）：（失落）…睇完封信先發現，我無出唻呢段時間，因因同阿Kai兩師徒Close咗咁多，因因自己未必知，阿Kai對佢嘅講已經唔單止徒弟…
△愁托托眼鏡，繼續打字…
愁擘擘（打字）：今日見返阿Kai佢，我嘅直覺真係無錯，因為喺佢眼裡面，已經無我愁擘擘，對佢嘅講，我只係因因嘅眼淚水…
△愁擘擘打到這裡，不禁掉眼淚，打濕鍵盤。
愁擘擘（打字）：我好羡慕因因，因因先係真實，佢同阿Kai日對夜對，感情只會愈唻愈好…而我係假架，我無資格鍾意佢，我呢場單戀，注定係無結果…
△愁擘擘盡訴心中情，心事填滿整個Chatroom…
△愁擘擘正想繼續打，電腦螢幕音效，彈出網友回應。
△網友「勝負師」傳來文字回應：「你講夠未？」
△愁擘擘一怔，連忙打字。
愁擘擘（打字）：講完了！
△網友「勝負師」再傳：「呢度係俾你傾遊戲戰略，唔係俾你傾心事！」
愁擘擘（打字）：對唔住！
△網友「勝負師」再傳：「算你啦！我明嘅！有心事梗係想同人傾…其實我都有心事！」
愁擘擘（打字）：咁你同我講！我做你樹窿！
△網友「勝負師」沉默片刻，突然Chatroom出現無數「…」填滿對話窗！
△愁擘擘用滑鼠看到最後，終於看到一句文字。
愁擘擘：（唸出文字）我好似見返十年無見嘅阿媽！？
※　　　　　　　　　　※　　　　　　　　　　※
△一波家一波房，見一波躺在床呼呼大睡。
△歷奇在桌邊對著Notebook玩網絡遊戲，「勝負師」赫然就是歷奇！
△歷奇心事重重，看眼熟睡的波，目光再落在桌上的報紙，見報紙一角電訊新聞的一張Helen的照片（標題《Running TV隨時On Call》）。
【同場加映：愁擘擘對修修的愛】
△戲院一角，Kai拉一身愁擘擘打扮、戴著眼鏡的愁擘擘至。
愁擘擘：你拉我嚟做咩？
Kai：睇戲就梗係大銀幕好睇好多！仲有呢場係首映，一陣套戲有胡楓架。
愁擘擘：（興奮）修修？！
△愁想掉頭走，卻拉Kai拉住。
愁擘擘：我唔可以見佢，我怕醜！
Kai：放心，佢出嚟多謝觀眾，你見到佢，佢見唔到你！
愁擘擘：咁就好啦！我想影佢相，得唔得？
Kai：得！到時修修出現，任你魚肉！
△愁擘擘高興。
※　　　　　　　　　　※　　　　　　　　　　※
△碎鏡：見戲院場內，Kai和愁擘擘拎住爆谷汽水面對銀幕睇，Kai和愁擘擘面上倒映有光影。
※　　　　　　　　　　※　　　　　　　　　　※
△Cut時空過，散場，愁擘擘睇到一頭煙，Kai看在眼裡。
Kai：見到修修開唔開心？
愁擘擘：（惘然）修修？成齣戲都無修修，謝幕都唔見修修…
Kai：佢有出嚟喎，頭先企係最角落頭，戲裡面做男主角阿爺果個咪係佢囉！
愁擘擘：（難以置信，極失望）嘿？！乜彩色嘅修修係咁嘅樣架？同黑白咁大分別嘅！點解唔拍番黑白片啫？（想哭）我唔要彩色修修呀！
△Kai聞言，啼笑皆非。

沒有三個女人一個因的第四個周日
【Evie三十二歲生日那一夜】
△侍應俾帳單，Easy放下信用卡找數。
Evie：（忍不住問）媽咪，你仲有無嘢要同我講？
Easy：（始終不知道Evie生日，還要提醒）咁打鐵趁熱，快啲執埋啲契同啲數，聽朝應該都俾到我喇？
△Evie失落，回想起從前父親的話，Insert上場對白。
方正（V. O. ）： Evie，雖然今日係你生日，但係你要多謝媽咪呀！媽咪為咗你犧牲咗好多，好辛苦先生到你出唻！
△與此同時，侍應把信用卡和底單送回來。
Evie：（點頭，眼淚在心裡流，苦澀一笑）多謝媽咪！
△Easy不明所以，以為女兒多謝她請吃飯。
Easy：（莫明其妙）一餐半餐，唔駛多謝！
△到最後，Easy還是毫不明白女兒的心意。$
【那一次，范官氣沖沖下車走走後】
△大會堂矮座馬路邊，利記車停泊…
利記：陪我落車抖下氣！
△鏡頭一轉，Easy和利記倚著利記車，望向四周空曠位。
Easy：（失落）點解Evie要咁對我？
利記：Easy，凡係仔女聽到做阿媽嘅只係當打份工都會有反應架。
Easy：（有點晦氣）我隨口一句啫！
利記：都係隨口一句，因因教佳仔，幫阿狄打贏官司，你有無隨口一句讚過佢？
△Easy啞口。
利記：隨口一句咁簡單，點解你隨口一句都慳，係唔肯表現多少少母愛俾因因睇？
△Easy頓感無助，半响，突地反問利記！
Easy：（真心問）乜野係母性？點樣先有母愛？
△利記一窒，不懂回答。
Easy：（真實剖白）我阿媽早死，我聽人講母愛點偉大，得個聽字！到因因出咗世，我至知母愛唔係天生架！由我有左、懷胎十月，到生佢出唻，我個心都好唔踏實，感覺好奇怪，佢就係我個女？我真係做咗人媽咪？我望住佢，淨係諗到，我再無機會去美國跳舞啦！到今時今日，我見到佢，都仲會諗，如果無生佢落唻，我嘅人生會點呢？（激心）你叫我點真心愛佢！
利記：（勸）Easy…都過左去！
Easy：我知過左去喇！我都死左條心！我有盡力扮演一個阿媽，即使覺得佢好煩，我好攰，好想Quit，但我都有盡阿媽嘅職責！但你就怪我淨識職責…
利記：（不好意思）我唔係怪你，不過…
Easy：不過你唔同我，你真係好錫啲仔女！點先可以好似你咁，兩公婆咁無私愛錫啲仔女？你教我！
△利記同情思，不懂回答。
Easy：（難過）有次我睇電視啲動物紀錄片先知道，原來狨猴媽媽生咗仔女之後，除咗餵奶就唔理佢哋，靠晒狨猴爸爸養，可能我天生就係狨猴媽媽？

没有三个女人一个因的第五个周日
【阿Kai和愁擘擘玩摇摇板】
△阿Kai与愁擘擘玩摇摇板，但镜头只见愁擘擘，当阿Kai向下降时，愁擘擘升起弹出镜；当阿Kai向上升时，镜头中的愁擘擘便向下沉，消失不见，来回数次。
△镜头拉Wide，原来阿Kai与愁擘擘身处公园摇摇板上。
Kai：好唔好玩呀？
愁擘擘：好玩…咁我系咪唔驶扮因因嘞？
△Kai一笑，突然下摇摇板，愁擘擘立即沉下来。
△Kai站到摇摇板中间，愁擘擘身处在佳右手边。
Kai：企喺中间，好鬼严肃，唧都唔笑，就系裁判官！你坐喺裁判官嘅右手边，系辩方律师！
△愁擘擘似懂非懂地点头。
Kai：如果裁判官问辩方律师，即系你…（用裁判官权威严肃语气）辩方律师，有无问题？（转回正常佳神态语气）你就话无问题就得嘞！跟我讲一次！（模仿Evie上庭时语气神态）无问题！（坐在愁擘擘摇摇板对面，用力压下自己那边的摇摇板。）
愁擘擘：（摇摇板升起，战战兢兢）…无问题！
Kai：畀啲信心！大声啲！讲多一次！
愁擘擘：（深呼吸一口气，保持笑容）无问题！
Kai：（竖起拇指）答得非常好！
△愁擘擘被Kai称赞，喜上眉稍。
Kai：如果裁判官问辩方律师你…（又转用裁判官权威严肃语气）有无证人呀？（转回正常语气）咁你就要答，两个证人！跟我讲一次…（模仿因上庭时语气神态）两个证人！（压自己那边摇摇板）
愁擘擘：（摇摇板升起，大声）两个证人！
Kai：复习一次！（问）有无问题？
愁擘擘：无问题！
Kai：有无证人？
愁擘擘：无证人！
Kai：（振臂高呼）答得好！我都话你一定得架啦！
愁擘擘：（受佳鼓励，羞涩地笑）边度系喎…
△Kai见状，一怔，忙叫止。
Kai：咪住，咪住！
愁擘擘：乜事？
Kai：（严肃地）笑多次！
△愁擘擘嘴角掀起，温馨亲切地一笑。
Kai：（气结）错，错，错晒喇！
愁擘擘：（慌失失）我笑得唔自然呀？
Kai：就系自然过头！你要皮笑肉不笑，表面好似好Nice，其实一啲感情都无！
△愁擘擘猛摇头。
Kai：我示范你睇…（模仿Evie灿烂而机械式的笑容）好似机械人咁笑呀！
△愁擘擘努力模仿Kai扮Evie笑，满足Kai的要求。
Kai：（肉紧）唔够假…再假啲…
△Fade Out。
【同场加映：**你好老—五十岁整容女成魔之路(1)】
△接上场Theo狐疑：「唔系Philip，咁Helen背后究竟系边个？」
△On Call Broadband大厦外貌日空镜。
△Helen重新上班，经过On Call Broadband某电视墙，电视正播放差利小巴广告…
△注：全场采用现实中的Helen以抽离的第三身视点，看回当日自己的勾引行为，即同场有现实的Helen和当天的Helen。
△Helen看广告忆起往事，若有所思地望著某一暗角…
△拍摄技巧，暗角本来没人，但回忆在Helen眼前浮现。
△Helen主观镜F. B. ，暗角见万念俱灰的差利，瑟缩坐在一角抱头。
△当时差利被Evie威胁，准备庭上揭示焦虑症。
△Helen上前俯身关心！
Helen：差利哥？做咩事？
差利：我想人见到我就笑，我唔想观众知我其实系个唔开心嘅人…
△差利无助，突然Helen一个臂弯怀抱著他！
Helen：无事呀，唔好唔开心，你会开心返…
△Helen把差利头抱到怀中，任由差利头埋藏胸脯。
△现实中的Helen冷眼旁观，别转脸走。

沒有三個女人一個因的第七個周日
【那一個晚上足本版】
△方正Chambers走廊，阿Kai匆匆而行，鼻頭仍貼著連戲膠布，畫面疊阿Kai較早前打去Evie家找Evie的電話對話V. O.。
Dom（V. O. ）：我老婆而家唔喺屋企喎！佢夜晚晚話好多野做返左公司O. T. ！
△阿Kai來到Chambers門口，只見Chambers根本下了閘，內裡漆黑一片。
阿Kai：無返唻呢度！咁師父去咗邊？
△阿Kai心急不已…
※　　　　　　　　　　※　　　　　　　　　　※
△Evie瑟縮坐在停頓了的中環扶手電梯梯級上，頭髮蓬鬆，心煩意亂，憶起Easy在本集第5場的電話罵語—
Easy（V. O. ）：媽咩野咪？乜野老公？方以因！你點可以咁無家教？做女人做到你咁隨便？Theo甩左無耐就帶個不知名男人上屋企？仲叫人老公？
△Evie又想起本集第7場的Dom結語，Insert F. B. 。
Dom：咁係上天嘅安排！提醒我地不可作假見證！我地Stay married！In Jesus name, I’m you husband, today, tomorrow, and forever！
△回到現實，Evie煩惱得想死。
△時有人從後輕拍Evie膊頭。
△Evie回頭，見童年佳仔帶笑望著自己，一呆！
佳仔：因因你又俾媽咪鬧呀？
△Evie揉一揉眼，佳仔已化成成人阿Kai，鼻頭有膠布。
阿Kai：做咩眼甘甘望住我？靚仔得滯？
Evie：（回過神來，仍感迷亂）你點知我喺度架？
阿Kai：你話諗唔通就會嚟行電梯！不過諗番轉頭，你由細到大都無變過，你細個唔開心都鍾意坐樓梯！
△阿Kai一言驚醒Evie，Evie豁然開朗，墮入回憶中…
※　　　　　　　　　　※　　　　　　　　　　※
△F. B. 屋村扶手電梯，因因低頭坐在梯級一角，沒精打彩，佳仔從後拍因因膊頭，因因回頭！
佳仔：因因你又俾媽咪鬧呀？
△因因點頭。
佳仔：鬧兩句之嘛！我日日俾人籐條炆豬肉添！唔好唔開心，我帶你去食唧唧冰！
※　　　　　　　　　　※　　　　　　　　　　※
△回到現實，Evie難掩重新記起阿Kai的雀躍，接口。
Evie：我暱埋坐樓梯，你總係搵到我，叫我咪唔開心，話會帶我去食唧唧冰！
阿Kai：（一奇）你記得？（接口）跟住我地一齊去士多買…
※　　　　　　　　　　※　　　　　　　　　　※
△F. B. 屋村商場，佳仔拿著一條雪成冰的唧唧冰，因因收起零錢到兒童散紙包，肉痛。
因因：乜你次次都唔帶錢？
佳仔：你細路女，咪計啲婆乸數！
△佳仔手執唧唧冰一邊，另一邊指向因因，打眼色示意。
※　　　　　　　　　　※　　　　　　　　　　※
△回現實，Evie帶點雀躍向阿Kai分享剛憶起的記憶。
Evie：你只係帶我去士多買，但就次次都要我俾錢！
阿Kai：乜你記埋啲婆乸數！
Evie：你細個都鍾意咁講，再伸枝唧唧冰過唻！
△Evie伸出手，模擬佳仔向因因伸唧唧冰！
△疊F. B. 屋村商場，佳仔向因因伸唧唧冰！
佳仔：一齊啪！一、二、三－
△現實中，阿Kai會心微笑，模擬因因，跟Evie一起數…
阿Kai／Evie：（對視）一、二、三－
△疊F. B. 屋村商場，佳仔和因因一人執一邊唧唧冰「啪」一下！
△同步，現實阿Kai和Evie模擬著一起啪！
△二人一個對望，興緻勃勃…
※　　　　　　　　　　※　　　　　　　　　　※
△利東街，Evie和阿Kai邊行邊「飲」唧唧冰。
△只見唧唧冰未有冷凍成冰，呈液體狀。
Evie：真係掃興，士多閂晒門，淨係買到無雪嘅…（皺眉）啫喱水飲落一陣藥水味…
阿Kai：俾下面咪嫌棄，今次我俾錢架！周圍撲來撲去搵你都未同你計！
Evie：（多飲兩啖，笑阿Kai）我都無撳隻錶，你可以唔嚟架！
阿Kai：（硬兜）做得你徒弟醒扒啦，駛下下開到口先做咩？
Evie：（失笑）懶叻！
阿Kai：何況我地唔只Hi&Bye師徒，其他師徒邊似我地由細識到大？你十歲前咩鬼都唔記得，淨係記得我，我唔理你，邊個理你？（轉念遺憾）不過咁難得先記起啲野，應該記起啲緊要嘢，淨係記得我呢個閒角有鬼用咩？
△Evie望住「利東街」路牌，再看手上唧唧冰，心頭一暖，暗覺感動。
Evie：都唔係無用嘅…

沒有三個女人一個因的第八個周日
【Dr. Bean催眠課足本版】
△鬧市日空鏡。
△Evie、Kai和幾個學員坐著等待上堂，Kai呵欠連連。
Kai：（抱怨）做乜神咁早叫人唻參加呢啲乜鬼催眠課程喎？其實我唔洗催都可以一秒瞓著…（瞌上眼）
Evie：（推Kai）Wake up！而家係我瞓唔著…
Kai：（一怔，猜）你失戀瞓唔著所以學催眠呀？聽講催眠真係可以幫人Relax，我打醒十二分精神陪你！
△Evie不置可否。
△時Dr. Bean入，見Evie和Kai在，微愕，Kai揮手向Dr. Bean打招呼，Dr. Bean微笑回應。
Dr. Bean：早晨！歡迎大家唻參加我嘅催眠基礎訓練班…
△碎鏡，Dr. Bean專業地講解。
Dr. Bean：首先要從腦波講起，腦波有四種，β（Beta）、α（Alpha）、θ（Theta）、δ（Delta），我哋而家就係處於β波，即係有意識狀態。而當心情平靜，所呈現嘅就係α波，即係放鬆狀態。θ係打盹波，即係釣緊魚。δ是酣睡波，即係熟睡。而催眠就係喺α波同θ波狀態下進行…
△時傳來行雷般鼻鼾聲，眾望去見Kai睡到流口水。
Dr. Bean：（失笑）呢位同學好明顯係處於δ波！
△眾笑，Kai聽到扎醒，Evie矋了Kai一眼。
Dr. Bean：…催眠係心理治療方法，可以醫心理病，例如強迫症，抑鬱症等，亦可以幫助改善睡眠質素…
△時又傳來鼻鼾聲，眾望去，見Kai熟睡，Evie用原子筆尖刺Kai手臂，Kai痛叫扎醒，眾笑。
Dr. Bean：…催眠能唔能夠成功，除咗要睇催眠師嘅技巧同埋建立信任，另一個好重要嘅因素係被催眠者嘅可催眠性，例如性格固執，批判性強嘅人難啲催眠，樂天，想像力豐富嘅人易相對就易啲催眠…
△時又傳來鼻鼾聲，眾望去，見Kai「張著眼」，眼皮上貼著在雜誌圖片剪下來的紙眼睛，Evie把Kai的紙眼晴扯掉，搣Kai手臂，Kai痛叫扎醒，眾笑。
Dr. Bean：…跟住落唻我想邀請一位同學出唻幫我示範催眠，就係你！
△Dr. Bean回身凌厲地指向Evie！Kai一怔，擔心。
Evie：我唔想被人催眠，請你搵過第位同學！
△其他學員反應，當睇戲咁睇。
Dr. Bean：（鬥氣）我有我嘅規矩，唔到你話事！你唔合作嘅就退返錢，唔好上我堂吖笨！
Kai：（做和事佬）你哋咪火星撞地球咁，好易解決啫，師傅唔肯咪由我呢個徒弟頂上囉！
Evie：（好勝）唔使，我都想見識吓佢有幾巴閉！
△背景播放柔和音樂，Evie躺在課室前的臥椅上，Dr. Bean如平時進行心理治療般坐在旁，Kai擔心望著，Dr. Bean開始催眠。
Dr. Bean：（語調緩慢及平和）…你瞇埋眼，想像我嘅聲音係一位老朋友嘅聲音，可以幫你完全放鬆自己…
△Evie雖閉上眼，但撓起雙手，態度不合作。
Dr. Bean：（叫停）Stop，等我講解吓，呢位同學嘅身體語言正正係錯誤示範，佢撓起手起晒摃，分明係搞對抗，呢種咁冷漠、自大兼不可一世嘅人係最難被催眠…
Evie：（坐起，反駁）你作為一個心理治療師點可以咁武斷？你根本就唔了解我，有咩資格批評我！
Dr. Bean：（直斥）我真係唔了解你，你可以為你徒弟學催眠，但對你Ex未婚夫咁絕情，好似著完舊鞋用完即棄！你一時一樣，我覺得你似人格分裂多啲囉！
Evie：我無需要回答你嘅無理指控！
△二人敵視，充滿火藥味。
※　　　　　※　　　　　※
△Evie家開出，Kai正在執拾背囊，把法律書及文件放進去。
Kai：（向Evie）執埋呢袋就差唔得執好晒…（留戀）不過就無得再住豪宅區！
Evie：瞓梳化瞓到腰酸背痛都好恨嘅！
△Kai收拾到最後，拿起一張證書，證書上寫著：「邊小豆心理治療教室授予利東佳證明其成功完成催眠基礎訓練課程」，Kai珍而重之地把證書放入File再放進背包。
Kai：（得意）陣間返屋企裱起佢！
Evie：（覺Kai傻氣，失笑）小學雞！
Kai：（笑責）虧你仲笑得出，頭先我幾擔心呀，Dr. Bean係都要催眠你，好彩你企硬咋，如果唔覺意畀愁擘擘或者菠椰出咗唻就弊！
Evie：（反笑）我又唔係你，點會犯埋啲咁低級錯誤！（入正題）其實頭先上堂啲嘢我早就喺英國學過，帶你去主要係想你學，你有冇諗過學以致用？

没有三个女人一个因的第九个周日
【**你好老—五十岁整容女成魔之路—最终章】
△On Call broadband后楼梯位，Helen走过楼梯，到某转角位，停步。
△拍摄技巧，下层楼梯本来没人，但回忆浮现。
△Helen主观镜F. B. ，楼梯位见Philip正在跟市民初恋Kiko倾电话…
Philip：荡妇扮纯情！我以后点见人？仲有公司个广告…叫我包机你返香港？留喺台湾吔屎啦你！
△Philip气得掟电话，透视是市民初恋爆卖淫新闻后…
△Philip不懂收拾残局，忍不住额撞墙发泄…
Philip：点解我咁黑？点解咁唔好彩？
△时一双手从后搭Philip肩膊，胸压Philip背，正是Helen。
Helen：唔好再撼啦！你咪伤害自己！
△Philip感受到柔软的胸脯，回看Helen，反应。
△现实中的Helen拨拨头发，别转脸走。
※　　　　　　　　　　※　　　　　　　　　　※
△Theo办公室外，Helen经过房门外，望进房内。
△拍摄技巧，房间本来没人，但回忆在Helen眼前浮现。
△F. B. 第15集Theo办公室已拍片段，同一场戏但新拍Helen房外POV视点。
△Theo坐在大班椅，Helen重心向前，俯身挨到Theo肩膊…
Helen：一个心里面无你嘅女人，唔值得你继续放喺心…你应该搵个关顾你感受，你有事佢宁愿自己有事，一个借膊头俾你挨嘅人…
△Helen看似安慰，把Theo头扶到「肩膊」，实质却是「胸脯」位置，抛胸俾Theo食波饼—
△在Helen以为得手之际，Theo推开Helen。
Theo：多谢你关心，我想一个人静吓！
△现实的Helen一脸不忿，别转头走。
△Helen行到会议室外，接下场。
※　　　　　　　　　　※　　　　　　　　　　※
△Helen推门进入会议室，站在门口位置…
△拍摄技巧，会议室本来没人，但回忆浮现。
△Helen主观镜F. B. ，时阮生得悉肺癌末期，独个儿咳过不停。
△时Helen闻咳嗽声入来，见阮生咳得死去活来，立即上前关心，为阮生扫背。
Helen：（痛心）阮生！做咩咳成咁？
△Helen扫背，却不忘施展绝技胸压阮生。
△Helen胸贴著阮生侧，以为阮生很受落，正要偷笑…
阮生（O. S. ）：够喇！
△Helen一愣，即被阮生推开！
阮生：你个胸Un亲我！
△绝技失灵，Helen一脸意外！
阮生：第四次，你已经系第四次用个胸咁Un人！差利同Philip落搭，但我同Theo一样，我唔受你呢套！因为-（断然）我对五十岁嘅整容女人无兴趣！
【同场加映】差利遗言足本版
△肥波对著手提电脑，见电脑正在下载档案。
Royal（V. O. ）：师傅，我搵左喺荷里活做旧电影数码修复嘅旧同学，将条片遗失果30%数据，用电脑计算同推演，尝试补完。
△电脑画面显示下载完成。肥波打开档案。
※　　　　　　　　　　※　　　　　　　　　　※
△Cut萤幕，片段回复流畅和清晰，差利拿手机自拍。
差利：各位观众！我系卓差利！今日我表演人生谢幕！我回顾我嘅搞笑生涯，究竟几时系我嘅高峰？我先发觉，每次表演完一只Gag，你地笑果几秒，就系我嘅高峰，笑声停左，我即刻跌番落谷底，喺幽谷之中痛苦挣扎度下一只Gag…
※　　　　　　　　　　※　　　　　　　　　　※
△差利自杀遗言，一切正常，肥波突然一凛。
肥波：终於等到你啦！
※　　　　　　　　　　※　　　　　　　　　　※
△Cut回画面，见差利拉著Helen入镜。
差利：佢，柳恺伦，系我嘅「同是天涯沦落人」！
△差利挽著Helen腰，虽然不至肉麻，已是情侣亲昵。
差利：半年前佢想结束生命嘅时候，我阻止左佢，果时我唔明白，唔知道佢系由地狱走出唻…（问Helen）你讲唔讲得？都死咯，唔怕讲啦可？小绢？
Helen：（点头）我由一个被老公虐打嘅苦女人，到杀人嫌疑犯，最终改头换脸，再世为人，过住主播嘅第二人生，但都系对人欢笑背人愁…
差利：我地都厌倦左人前人后两个样，徘徊喺高峰同谷底，选择喺完全丧失自信同傲气之前…离开！（问Helen）你准备好未？
△Helen点头。差利把安眠药放在枱头。
差利：（一笑）唔好同我讲正能量，难听过粗口！Bye！
△差利把手机录影程式关上。

沒有三個女人一個因的第十個周日
【Theo和Evie錯過的美好時光】
【Theo治病中】
△特寫Theo大頭吃驚開出。
Theo：（口窒窒）真係要入去？
△鏡頭拉Wide，見Dr. Bean原來帶Theo來戲院入口。
Theo：自從發生嗰件事之後，我都無膽再入戲院睇戲！
Dr. Bean：（好奇）同Evie拍拖咁耐都無入戲院睇戲？
Theo：（內疚）無…次次都係返屋企睇碟，啲燈仲要開到光掁掁添呀！
Dr. Bean（心聲V. O. ）：咦，我而家同Theo入去睇戲，咁咪叻過Evie！
△Dr. Bean沾沾自喜。
Dr. Bean：你要立即變黑吖嘛！內爆療法就係一開始將恐懼提升到最高級，由你直接面對恐懼！等你習慣咗，自然就唔會再怕黑架嘞！
△Theo猶豫不決…
Dr. Bean：睇戲時間唔算特別長，又唔係完全黑晒，最適合做內爆療法！
Theo：（想打退堂鼓）er…咁去露天戲院一樣啫…我知有個Club有架…（已轉身想走）
Dr. Bean：（一手拉住Theo）你有無諗過，你同Evie本來應該共渡好多美好時光，就因為呢個病，白白錯失咗？
△Theo心頭一震…
Dr. Bean：醫好個病，你咪有機會補償番俾佢囉！
Theo：（自覺慚愧，亦真心想補償）好…我試下啦…
Dr. Bean：（大喜）咁我哋入場喇！
△Dr. Bean向Theo遞上戲票。
Theo：（一望戲名，面色大變）「睇戲撞正戲院鬼」？！我地睇鬼片呀？
Dr. Bean：你又怕黑又怕鬼，咁咪可以一石二鳥囉！
△Theo發呆，Dr. Bean即繑著震騰騰的Theo步入戲院。$
【Theo病好後】
△Theo車上，Theo駕車，Evie坐助手席，嬲爆爆。
Evie：利東佳做咩事呀？乜野叫你鍾意點就點？我做左啲咩佢要咁晦氣？
Theo：佢天生個樣就有少少晦氣…
Evie：唔係，做我Pupil果時無咁晦氣架！梗係有毛有翼！轉左第個師父，而家當我無到！（愈說愈怒，沾染晦氣）咁融唔融合，是鬼爛旦啦～
Theo：（失笑）佢晦氣，你咪學佢晦氣埋一份！你攰唔攰？周圍玩下。
△Evie想想也好，點頭答應。
※　　　　　　　　　　※　　　　　　　　　　※
△戲院，未關燈，Theo和Evie買爆谷坐入觀眾席，就座。
Evie：（擔心）你真係唔怕黑？
Theo：見過鬼都唔怕黑！（感概）同你拍拖都無入過戲院，喺屋企睇碟光掁掁！錯過咁多，而家補番！
△Evie陪笑。
△未幾，戲院關燈，電影標題出：《我間房迫爆》！
△Theo看得興致勃勃。
Theo：（吃著爆谷看戲）做廿四個角色真係影帝級數…
△Theo把爆谷遞給Evie，Evie沒接過，Theo一看Evie心不在焉，摸著光秃秃手腕，根本沒留心看戲…
△Theo笑笑，也不介意，繼續看。
※　　　　　　　　　　※　　　　　　　　　　※
△沙灘，Theo帶Evie來到，直接向海邊前進！
Evie：（擔心）行咁近海邊，你唔驚啲蟹會爬上岸咩？
Theo：（拍心口）老虎蟹都唔驚！（抱歉）之前驚水驚蛇蟲鼠蟻，永遠喺核心外圍，今日先係真正行沙灘！
△Theo雀躍脫掉鞋，興奮在岸邊踢水踢浪，孩子氣。
Theo：你都落唻踢下水！
Evie：（笑著搖頭）唔喇，你踢，我唔想整濕對腳呀…
△Theo聳聳肩不大在意，自顧自踢，也有樂趣！
※　　　　　　　　　　※　　　　　　　　　　※
△中環扶手電梯起點，Evie跟著Theo來到，愕然…
Evie：（心情複雜）…點解要帶我唻呢度？
Theo：我睇電影就覺得呢度好浪漫，好想帶你唻拍拖，但怕高無唻到，而家終於可以唻行下…
△Evie和Theo一齊行電梯，Theo陶醉在電影情懷…
Theo：（左張右看）警員663間屋喺邊呢？
△Theo看向Evie，Evie沒在聽，她不期然想起Kai…
△Evie逆方向落一條上行電梯，失平衡向後倒，壓在佳身上，戀愛感覺。
△回到現實，Evie分神之下，下了一條向上行電樓梯。
Theo：（發現Evie行錯）Evie！唔好！
△Evie一回神就失足，再次向後倒，今次心不在焉，情況比上前更危險！
△Theo眼看Evie頭著地，飛身雙手托著Evie頭！
△Evie驚慌看Theo，見Theo一臉痛楚，手臂被電梯石壆尖位，割傷流血。

沒有三個女人一個因的第十一個周日
【融合還是不融合】
▲Evie家大門外走廊，Evie手臂揪著外賣飯盒膠袋，拿著手機，另一手拿著門匙開著門…
Evie：融唔融合我未落到決定，想搵你傾…
▲Dr. Bean診所會客室，原來話筒的另一頭是Dr. Bean。
Dr. Bean：好呀，仲係Lunchtime，你竄過唻傾兩句！
▲Evie家大門內外。
Evie：（一喜）OK！咁我放低啲野就過唻搵你！
△話音未落，Evie打開門，瞥見賊仔（背面）從Evie房竄出—
Evie：（驚愕）邊個？
△賊仔向窗台方向拔足而逃，Evie忙上前察看。
△電光火石間，Evie經過落地玻璃，玻璃反影成Pina！
Pina：（已取代Evie，氣）老虎頭上釘蝨乸！
△窗台附近，Pina翻身把賊仔擒下，賊仔雙手已甩骹。Pina暴力扯賊仔令他的臉朝向自己，竟是文章！
Pina：（訝異）阿Sir？
△Pina閉眼，讓Evie重新取而代之！
Evie：（意外）阿Sir？你做咩淪落到爆格！
文章：（緊張殊Evie）唔好叫我阿Sir！（張望見四周無人，壓低聲線）我係臥底！我要爆格大佬先信我！
Evie：（恍然）哦…（好奇）你係便裝定軍裝果個阿Sir？
文章：（表情突然詭異）…我有睇新聞，你係多重人格？
Evie：係～咁關你係阿哥定細佬咩事？
文章：你咪爆俾人知我係臥底，我講個秘密你知！
△Evie困惑點頭。
文章：我係便裝又係軍裝！我係阿哥又係細佬！
Evie：（大奇）下？（脫口）你都係多重人格？（轉念）唔係吖！多重人格都分唔到身！
文章：我係雙胞胎，其他雙胞胎刻意同第個唔同，但我地就盡可能一樣，因為我地要交換身份！
Evie：（目瞪口呆）交換身份？
文章：我地想當差，唔知中五考PC好定讀埋大學考督察好，咪一個考警校一個讀大學咯，一日你一日我，試到紅褲子又做到大學生！到後來一個便裝一個軍裝，到而家做臥底一個進興一個義豐！便裝軍裝、警察古惑仔、港島新界都試勻晒。
Evie：（仍然不解）為咩要咁？
文章：你唔覺得好難得？人生苦短，其他人只可以揀一種生活，做到A就做唔到B，難得我地一樣樣，可以同一時間經歷兩種唔同嘅人生！
△Evie當頭棒喝，文章再下一城。
文章：你仲好，我地做得兩種人，你可以經歷三種！
△Evie她豁然開朗反應。
※　　　　　　　　　　※　　　　　　　　　　※
▲Dr. Bean診所會面室，中場開出，Dr. Bean聽著Evie電話，意外。
Dr. Bean：你決定左融合？
▲停車場一角的Evie，兩邊對話。
Evie：你有無咩意見？
Dr. Bean：我尊重你，但你問過Theo未？
Evie：我同Theo無復合，做番朋友啦…
Dr. Bean：（眼睛一亮，轉動，按捺興奮）你今日唔過唻架啦？我準備好融合啲野通知你！
Evie：好！
▲Dr. Bean診所會面室，Dr. Bean掛線，立即跳起「Yeah」！
Dr. Bean：（歡呼）分左手分左手！我邊小豆又有得做紀邊小豆！Yes yes yes yes yes～
△Dr. Bean跳上高位，陶醉地獨自跳舞慶祝…
△琪琪推門進，看見Dr. Bean跳舞自High，冷眼！
△Dr. Bean自我跳舞，才發現琪琪在，連忙坐回位子。
Dr. Bean：（若無其事扮專業）咩事？
琪琪：（賣關子）Lunchtime完左，Client唻左…（興奮）唐米尼真係阿Dom唐米尼呀！
△Dr. Bean吃驚反應。
△鏡頭一轉，Dom坐在治療椅，Dr. Bean坐在側聽他傾訴…
Dom：我鍾意左一個唔應該鍾意嘅人…
Dr. Bean：（一愕，但鼓勵）鍾意一個人無話應該唔應該！
Dom：但係呢種愛係罪，神唔會原諒我…
Dr. Bean：點會！天佑你的愛人，信者得愛，你沒有愛錯！
Dom：（懷疑）真嘅？
Dr. Bean：當然！（大放厥詞）因為愛所以愛，愛是最大權利！憑著愛，你會有出路！你要遵從愛的呼喚，勇敢接受你的愛，將愛情進行到底！
△Dom受鼓勵，即從治療椅彈起！
Dom：好！我而家去搵Theo！將愛情進行到底！
Dr. Bean：（一怔）咩話？Theo？（見Dom走，驚醒）咪走－
Dom（O. S. ）：（迴音）Thank you Dr. Bean！
Dr. Bean：（後悔跺腳）你地係官配，我邊夠你搶呀！

沒有三個女人一個因的第十二個周日
【窮到燶大作戰足本版】
△電視節目畫面碎鏡疊旁白。
△Theo在高級辦公室親自主持會議，與眾高層開會…
旁白：紀驍勇，Theo Kei，係全港最大網絡供應商On Call Broadband嘅CEO，係本地電訊業嘅領頭羊…
△Cut旭日下，Theo戴著安全帽對著衛星發射站指指點點，一臉雄心壯志…
旁白：事實佢正正係新世代人生贏家…
△Cut Theo身在畫廊，邊拿著紅酒，邊欣賞眼前的名畫，盡顯生活品味。
旁白：由本港名校尖子脫穎而出，晉身美國一流大學…
△Cut只見兩人在道場打西洋劍擊…
△一方清脆利落地擊敗對手…
△勝者揭下面罩，露出Theo的帥樣…
旁白：畢業後回流香港，以大衛擊敗巨人歌利亞姿態，打破香港網絡業嘅壟斷生態，造就新遊戲規則，幫公司成為本地最大網絡供應商，上年當選十大傑出青年！
△Cut Theo在Ball場舞池大跳社交舞…
△拍攝手法，Theo的舞伴由三歲小妹妹幻化為八十歲婆婆，代表Theo迷倒各年齡層女士。
旁白：佢係CEO界嘅一代男神！我地呢一集嘅「窮到燶大作戰」，究竟又可唔可幫到高高在上嘅紀驍勇，了解到一般基層前線員工每日遇到嘅問題？
△緊接下場…
※※※
△畫外音鐵閘聲。
△碎鏡：只見公屋鐵閘砰然打開，身穿寬頻職員制服的Theo，笑容可掬地高舉工作證。
Theo：我唻裝機架！
△碎鏡：Theo走過舊長型公屋走廊，在不同單位（包括舊長型和井字型公屋）殷勤地裝寬頻上網，拉網絡線入屋…
△Cut Theo伸手入大櫃後面拉網絡線…
△Cut Theo鑽入狹窄的電腦枱底插上網絡線…
△Cut Theo搬櫃，感吃力，似搬不動，但不放棄，咬緊牙關，出盡全力，終將櫃搬開…
△只見Theo大汗淋漓，但毫不介意，表現輕鬆。
△Cut Theo裝好某單位網絡，正親手捲好剩下多餘的寬頻線。
△只見師奶變了花痴，喜孜孜、目不轉睛地望著Theo，Theo有點尷尬，轉過身來避開師奶，不料阿伯竟摸手捏Theo胳膊的肌肉。
△阿伯還邊笑邊豎起姆指，讚Theo的肌肉很棒。
△Theo不知如何反應之際，一隻小手遞上糖果給Theo…
△Theo定神一看，原來是屋內一名小孩送給Theo吃的。
△只見包括師奶、阿伯和小孩等全屋人，皆向Theo報以溫馨笑容。
△Theo見自己深受男女老幼街坊歡迎，欣喜地接過糖果，心滿意足地一笑…※※※
△黃昏空鏡。
△只見Theo和導演、助導和攝製隊等離開單位。
△Theo邊行邊舒展筋骨。
導演：（向眾）收工！
△眾見終完成工作，臉露欣喜。
導演：（行近Theo處）紀生，裝寬頻真係完全難唔到你喎！
Theo：（笑說）我紅褲子出身架！
助導：鏡頭前，鏡頭後一樣無架子！好難得！
△時導演無聊行近天井望落地，赫見原來不經不覺已上到頂層…
導演：嘩，天井望落去都幾高喎！
△本來鎮定的Theo，聞言望一望天井，心頭一震…
助導：（冷笑）跌落去實死無生！
△Theo聽著，緊張得手心冒汗，未幾連身體亦一震…
△原來Theo放在褲袋的手機剛巧響震起來。
△Theo心神恍惚下，伸手想掏出手機接聽，但Evie手汗多，手一滑，手機連套脫手而出，剛好就擱在欄桿壆位邊緣，搖搖欲墜…
△時手機繼續響，只見手機Wallpaper是Evie和Theo的合照，顯示是「Evie」打來的…
△Theo終上前俯身彎腰，拾起手機，怎料手汗問題，手機再度脫手而出，整部手機由高處墮下…
△手機從上向下墜地，「噗聲」（常速拍攝）…
△Theo突然感腳步不穩，身形向前仆去，頭失控地猛撞在欄杆上，登時血流如注…
※※※
Evie：係咪《窮到燶大作戰》有嘢嚇親你呀？
Theo：（繪形繪聲，慌忙瑟縮）提起都打冷震…
※※※
△新拍F. B. 時空同前，碎鏡：Theo沿著舊長型公屋走廊前行，見燈光昏暗、牆壁破舊，陰森恐怖，內心感畏懼，但死撐住，額角冒汗…
△新拍F. B. 時空同前，碎鏡：公屋單位內，Theo拖網絡線至後牆，見牆身有隻大甴曱爬過…
△Theo嚇得口震震，別過臉來不想看到大甴曱，不料見頭頂蟄伏著一隻大蜘蛛，登時嚇得目定口呆…
△Theo最後只有閉著眼，拉著網絡線拚死衝向前…
△Cut Theo奮力搬櫃時，見到櫃上放有一大個玻璃酒瓶，裝著自浸土炮酒…Theo定神一看，竟然是陳年老鼠仔酒…
△Theo嚇得魂飛魄散…
△新拍F. B. Theo角度，碎鏡：井字型公屋走廊，助導提天井好高，Theo望一望天井，心頭一震…
助導：（冷笑）跌落去實死無生！
△Cut Theo跌手機，時空像停頓，無人能幫，只有硬著頭皮上前拾起…
△不料手機再度脫手而出，整部手機由高處墮下…
△Theo主觀鏡：Slow Motion，時間過得慢如靜止，手機慢慢墮向十幾層樓下的地面…
△手機觸及地面，啪一聲，馬上瓦解粉碎…
△Theo嚇得一陣暈眩，眼前一黑，身形向前仆去，頭已失控地猛撞在欄杆上，登時血流如注…
△Theo忍痛伸手摸額頭，發現滿手鮮血，即時嚇暈…

沒有三個女人一個因的第十三個周日
【你們沒發覺到的愁擘擘快閃】
△Theo見茶几有光碟，醒起，即入碟進DVD機…
Evie：咩碟唻架？
Theo：傑青個PR Sent番頒獎禮隻碟唻！
△Evie未及阻止，電視機已有畫面，見利登場…
△畫面為傑青場面…
差利：我係你哋嘅主持人～卓差利～／一個咁聰明嘅城市，唔應該叫香港，應該改做「聰」城…
△Theo邊睇，邊忍不住哈哈大笑。
△但Evie木無表情，腦海內響起差利的話。
差利（V. O. ）：我用左幾多時間、幾難得，啲觀眾見到我個樣就想笑，如果俾人知我有焦慮症，佢地以後睇我搞笑，仲點笑得出呀？
△回到現實，電視續播差利畫面…
差利：我問佢：你知自己攞到十大傑出青年嗰陣，心情係點？佢話好似有個人玩遊戲一次過贏咗十份獎品～咁「十Prize」
△Evie真係笑不出來，傷感湧上心頭。
△Theo大頭，睇電視正睇得開心，突然傳來悲鳴。
△Theo不寒而慄，好驚，循喊聲看過去。
△鏡頭拉開，見「貞子」（愁擘擘頭髮披臉）垂頭飲泣。
△Theo反應大，彈起跳出沙發。
△Theo定一定神，鏡頭再Cut過去，見正常不過的Evie，看到Theo反應感奇怪。
Evie：你做咩呀？
△Evie說著走去扶Theo，Theo驚慌甩開Evie。
Theo：我去斟杯茶飲…（閃入廚房）
※　　　　　　　　　　※　　　　　　　　　　※
△廚房內外。Theo帶著驚慌心情進來，倒茶定驚…
△時Theo又聽到悲嗚，Theo警惕探頭出廳。
△赫然又見到「貞子」，這次頭更慢慢扭過去望Theo。
△Theo嚇到跌在起上，手上杯也跌地，Theo倒後退番入廚房，坐在地上喘氣。
△Theo P. O. V. ，見手搭在門框，披髮慢慢入鏡，Theo極驚，《凶靈》音效令氣氛更緊張。
△突然正常Evie樣入鏡。
Evie：咩事呀？嘩？你做咩呀？
△原來Theo一褲濕晒。
Theo：（心有餘悸）無，倒瀉茶啫⋯
△Theo的杯子果然倒地，Evie打算扶Theo站起，Theo甩開…
Theo：我落街抖涼去吹乾條褲！
△Theo不顧Evie覺得合理與否，離開廚房…
△Theo一轉身，背後又傳來愁的鬼哭神號…嚇到Theo一邊跑、一邊臉容扭曲地呢喃。
Theo：（天主教手勢：指額頭、左肩、右肩，合什）喃嘸阿彌陀佛、阿利路亞⋯喃嘸阿彌陀佛、阿利路亞，唔好搞我…
※　　　　　　　　　　※　　　　　　　　　　※
△會議室內，風水師向Theo和Scott解釋風水App…
風水師：…Selfie一張，影低自己個樣，個App就分析到你今日嘅氣息係點…
△Theo試玩風水App，果然戇居地自拍戇居樣…
△時Theo手機收到Whatsapp。
△是Evie傳來訊息寫道：「今晚一起吃飯？」
△Theo打了「OK」—但手指懸在「發出」鍵上猶豫…
風水師：⋯甚至連時運低，都可以計到架！
△時Theo腦中又閃過畫面。
△F. B. 見到「貞子」（長髮披臉的愁擘擘）慢慢望過來。
△回到現實，Theo不寒而慄，將訊息刪除，收起電話。
△鏡頭一轉，風水師父站起，透視會議已經結束。
Scott：唔該晒你風師傅，我送你返出去吖。
Theo：呀，我有啲嘢想同風師傅單獨傾。
Scott：（一愣）好。
△待Scott關上門，剩下Theo同風水師，兩個坐低傾。
Theo：（怕人知細膽，借意話，尷尷尬尬）其實我啱啱出去果個助手，好似撞到污糟嘢⋯
風水師：喺邊度見呀？點樣架？
Theo：佢喺女朋友個衣櫃度，見成隻女鬼彈出嚟。以為上自己屋企無事，點知佢女朋友鬼上身咁變臉，眨眼成隻厲鬼，轉頭變番正常！聽講係佢女朋友公司有野先！大師，佢點算呀？
風水師：（凝重）唔怪之得，我本來都費事講，頭先喺你地樓下，見到隻清湯掛臉、著紅色裙嘅女鬼喺度流連，唔通就係跟住你助手果隻…
△Theo不禁望下後面，好驚，抓住風水師衣袖。
Theo：大師，你要救下我…個助手呀！
風水師：好，一陣直接去搵佢講！（想找Scott）
Theo：（即拉住）唔好呀…佢好細膽，你同我講得啦！
風水師：咁一係叫埋佢一齊聽？我去叫佢…（想找Scott）
Theo：（又拉住）唔得！…你話我聽點做，我幫佢搞啦。
風水師：唔好嘅，你做CEO好忙…（想找Scott）
Theo：（大力拉住，威嚴）講！
△Theo監人賴候，風水師嚇窒反應。

沒有三個女人一個因的第十四個周日
【當Evie遇上Dry Martini和苦Del Del】
Evie：你知道我個病係點，又熟Pina同愁擘擘，你當你係我，Dup晒我啲病徵，睇Dr. Bean點醫你，再返唻照版煮碗返唻醫我咪得囉！
△Kai O嘴反應…$
※　　　　　　　　　　※　　　　　　　　　　※
△Evie V. O. 疊畫面。
Evie（V. O. ）：其實除咗睇CCTV之外，我都無見過嗰兩隻嘢，我而家同你Rehearsal，順便睇吓佢哋係咩貓樣，先由Pina開始…
△Kai從Evie房中走出，開頭只見剪影，不見樣貌。
Kai（O. S. ，學椰口吻）：死o靚妹！
Evie：（一愕）做咩鬧我？
Kai：（邊行近邊說）菠椰係咁鬧你架，我學佢咋…
△Evie定神一看，只見Kai已換上同椰一樣的裝束，更化了裝，劃上眼線及抺上紅色唇膏，陰陽怪氣。
Evie：有無咁肉酸呀…我想作嘔…
Kai：呢個係菠椰樣，你話我肉酸，即係話緊自己醜樣！
Evie：（沒好氣）得喇！快啲行兩步唻睇吓！
△Kai學Pina步姿，行路屁股扭吓扭吓，學到十足，下巴抬高，一臉高傲，走到Evie面前。
Evie：（皺眉）有無離譜啲，發姣發凳成咁？
Kai：（理直氣壯）菠椰真係咁行路架！啲麻甩佬可能會覺得佢咁好姣，我知佢係大剌剌，自由奔放啫…
△Kai突然一手把Evie推向牆邊，壁咚Evie。
△Evie難免心跳加速，面紅反應。
△Kai即叉住Evie頸。
Evie：（大驚）你想點呀？
Kai：（鬆手）你平時就係咁對我，而家知有幾難頂喇！
Evie：（無辜）唔係我，係Pina啫嘛！
Kai：（不理）我入埋你數架喇！
Evie：（無奈）咁嗰隻嘢又係點架？
△鏡頭一轉，Kai已換上了如愁擘擘般的打扮，戴上眼鏡，用毛巾包住自己瑟縮在牆角。
Evie：（愕然）你發冷呀？
Kai：（學愁口吻）我驚囉！
△Kai扮愁擘擘放聲大哭，卻哭不出眼淚。
△Evie覺得實在再難忍受Kai的外貌舉動。
Evie：（緊握拳頭，勉強按捺住）夠喇！喊唔出就算喇，再係咁我驚忍唔住舂你兩鎚！
Kai：（忙收聲）肚仔餓，唔得閒睬你！
△鏡頭一轉，Kai猛食雪糕，桌上已有兩盒家庭裝雪糕吉盒。
Evie：你咪乘機食晒我啲「哈根大師」喎！
Kai：（訕笑）咁嗰隻嘢好鍾意食甜品架嘛！
Evie：（恍然）驚青、成日喊仲有好鍾意食甜品…我知喇！嗰隻嘢同00後靚妹無乜分別，腦荀都未生埋，唔怪得會冧你喇！
Kai：（不憤）妒忌定羨慕呀？
Evie：係怕咗你！總之想繼續做我徒弟，就要同嗰隻嘢保持距離，咪搞不倫之戀呀！
Kai：（聳肩）No Problem！不過佢係都要做飛來蜢，我都無法架！
Evie：（認真）我要同你約法三章！（每一項都篤住Kai太穴）第一，你唔可以對佢好，第二，你要對佢衰，第三，你要令佢好憎你！
Kai：（太陽穴陣陣痛）OK，OK！總之用你對我嘅態度，用番喺嗰隻嘢身上，包保佢變嬲嬲豬呀！
△Evie見Kai乘機奚落自己，氣結抿嘴。
Evie：你扮嗰兩隻嘢咁在行，下一步就係要令Dr. Bean相信你有多重人格…

沒有三個女人一個因的第十六個周日
【狄Sir性取向足本版】
△裁判法院外貌日空鏡。
△過堂前，狄Sir、Evie和勞律師三方首次會面。
Evie：（好奇）咁我想問吓狄Sir你嘅性取向係咩？
△眾對Evie單刀直入的發問感愕然。
Kai：（替狄Sir感尷尬）我諗又唔駛問得咁直接嘅？
Evie：喺狄Sir答呢個問題之前，我需要補充，有關行為算唔算猥褻侵犯，係以正常Easy維判斷，異性同同性嘅尺度係有唔同…
狄Sir：（一怔，沉吟，最後嚴肅地）我唔回答呢個問題，我根本無非禮佢，我嘅性取向無需要向任何人交代！
△眾被狄Sir突如其來的氣勢嚇得一窒。
利記：（打圓場）阿狄你啱…方狀又啱…大家都啱…為件事好啫…哈哈…
△眾默然無反應，利記尷尬收聲…
※　　　　　　　　　　※　　　　　　　　　　※
△裁判法院男廁，勞律師行入男廁想小解，見有四個尿兜和兩個廁格，靠牆第四個尿兜有人，只見背影（高檢）不見樣貌。
△勞律師行到尿兜前，瞄見利記與狄Sir剛結伴尾隨入，認定狄Sir是同性戀，恐同心理即急急腳入廁格，關門。
△狄Sir留意到，並不介懷，聳聳肩。
利記：（對狄Sir）我開大呀！
△利記入另一廁格，關上門。
△狄Sir自在地走向第二個尿兜小便。
△時Kai與Dom又前後腳來到，自然地分別選擇了第一和第三個尿兜。
△這時站在第四個尿兜的人陰陰咀笑似有奸計，見樣貌，原來是歐陽一波！
△他認定狄Sir是同性戀，為了引誘狄Sir露出真面目，故意裝吓Kai又裝吓Dom。
高檢：（挑逗狄Sir，大聲）嘩！駛唔駛咁勁揪呀，大隻仔！（又望Kai）徒弟仔都猛料喎，真係人見人愛，車見車載！
△Kai和Dom嚇得打尿震，尷尬，即側身不讓高檢偷看，快快完事拉上褲鏈，手也不洗一支箭衝了出去！
△勞律師亦受不了，從廁格出，沒洗手便逃之夭夭！
△狄Sir淡定，沒有理會高檢，施施然拉上褲鏈。
△高檢亦已完事，走到狄Sir面前。
波：（囂張）My Name Is Ball！歐陽One Ball！係你單非禮案嘅檢控官！頭先只係前戲，A sexually promiscuous woman can’t remain a widow！
△狄Sir聽不懂，皺眉。
波：聽唔明英文呀？我係話你姣婆守唔到寡呀！睇你忍得幾耐！
△高檢向下望狄Sir下身，大聲哈哈笑著離去，也沒洗手。
△狄Sir沒理會波，自在地行去洗手。
△時利記從廁格出行去洗手。
狄Sir：（笑說）乜而家啲香港人咁污漕，去完廁所唔洗手嘅！（搓洗手液）
利記：（替狄Sir不值）佢哋怕咗你囉！點解你唔講俾大家知你唔係基，搞到佢哋誤會你？
狄Sir：（一笑耍過）有咩好講啫！
利記：（了解）你呃到人呃唔到我，我肯定你唔係孿嘅…（煞有介事地）因為我哋鍾意過同一個女人！
△狄Sir和利記好一對好友深意對望，懸疑感覺。$
※　　　　　　　　　　※　　　　　　　　　　※
△Easy家廳，Easy擔心狄Sir，認真看電視新聞報導。
△電視新聞畫面：裁判法院外街，天下著毛毛雨，利記為狄Sir撐傘至，二人穿上同樣都是黑色，式樣亦接近的西裝，彷如情侶西裝。
△大批早在守候的記者見狀，蜂擁上前圍著二人訪問，遞咪爭相問狄Sir。
記者甲：狄Sir，你對有男團員告你非禮有咩感想呀？
記者乙：你同嗰位男團員私底下係咩關係呀？
記者丙：你有無掂過嗰位男團員嘅敏感部位呀？
△狄Sir只保持微笑，並未有回答。
利記：（擋狄Sir前保護）唔好意思，現階段狄Sir生唔方便評論！
△利記忠心，邊為狄Sir撐傘邊用手擋開一眾記者為狄Sir開路入法院。
△Easy揪心望著電視畫面中兩個男人，但不知她心繫的是哪一位。

沒有三個女人一個因的第十七個周日
【Hehe爆紅現象】
△碎鏡，銅鑼灣時代廣場的大型電視螢光幕、各區茶餐廳、電器舖內，均見Theo和Dom的短廣告。
△只要播放Theo和Dom的片段，都圍滿觀眾，駐足觀看。
※　　　　　　　　　　※　　　　　　　　　　※
△第一條廣告片段，惡搞《秘密花園》。
△體育館，Theo和Dom穿上穿上運動服做Sit Up。
△Dom做Sit Up，Theo幫手按住Dom雙腳，拍法如《秘密花園》的相同情節。
△見Dom Sit Up一上，Dom臉靠著Theo的臉。
△浪漫音樂襯底，畫面唯美，Dom慢動作，揮灑出的汗珠全彈到Theo的臉上，Dom坐起時，二人近乎面貼面，含情脈脈的互望著對方。
Dom：（深情向Theo）先生，你由幾時開始咁靚仔架？
△Theo面紅紅，沒有回答。
Dom：（挑逗）嚿年開始？
　　　　　　　　　　※　　　　　　　　　　※
△Coffee Shop，Theo和Dom在Coffee Shop內飲咖啡。
△Theo喝了口泡沬咖啡，白色的泡沫圍住了Theo的嘴。
△Dom施施步至，向著Theo一臉含情脈脈。
Dom：睇吓你！睇吓你！男人之家點可以咁架！
△Theo打算用手䄂擦走嘴上的泡沫。
Dom：（阻止）真係邋遢！等我唻！
△Dom二話不說便嘴在Theo的嘴上。
※　　　　　　　　　　※　　　　　　　　　　※
△第二條廣告片段，惡搞《Sherlock》。
△花園內，Theo（拿小提琴）和Dom分別扮演Sherlock和John。Dom離棄Theo走，Theo開口挽留。
Theo：（剖白）I Don’t Have Friends.
△Dom聞言，不禁停步，回頭定睛地看著Theo。
Theo：（真情）Just Got One.
※　　　　　　　　　　※　　　　　　　　　　※
△第三條廣告片段，惡搞《琅琊榜》。
△密室內，Theo和Dom分別扮梅長蘇和靖王。Theo一臉寒霜地站著，繃著臉盯著Dom，Dom不知所措跪在地上。
Theo：我蕭景琰今日何去何從，無需梅宗主費心！
△Dom話畢，單手抽出腰間的長劍，把密室的大門旁邊的門鈴狠狠地割斷。門鈴應聲墮地。
※　　　　　　　　　　※　　　　　　　　　　※
△Cut Coffee Shop內，不少人邊喝咖啡邊用手提電腦上網，見網民將Theo和Dom的樣子Key落不同經典電影海報，例如鐵達尼、來自星星的你、阿凡達、風月俏佳人、主君的太陽、霸王別姬、MIB等。
△Zoom In其中一部手提電腦，見Facebook內的「Theo～Dominic Hehe團」的Fans人數急遽上升，已經有幾十萬個「Likes」。
※　　　　　　　　　　※　　　　　　　　　　※
△Cut油尖旺偏僻街頭，工作人員在街邊貼Theo和Dom的廣告海報。見不少腐女躲在一邊，靜待時機。
△當工作人員貼完一張海報，腐女們便馬上偷偷走上前，悄悄的撕走那張海報。
工作人員甲：有人偷Poster！
△腐女們被工作人員發現，立即轉身就走。
工作人員乙：（十級憤怒，邊追邊罵）豈有此理！我貼一張你哋就撕一張，我唔駛收工啦！
△工作人員追擊腐女，腐女們馬上逃之夭夭。
※　　　　　　　　　　※　　　　　　　　　　※
△On Call Broadband大廈日空鏡。
△Theo西裝骨骨地上班。
△Theo經過門口、大堂，無論男或女員工都紛紛向Theo投以注目禮，全部都用「心心」眼看著Theo。
△鏡頭一轉，Theo經過接待處，見其中一名男員工看到Theo身上打的呔，即解開自己那條煲呔，換上與Theo相近的領呔。
△鏡頭再轉，Theo經過走廊，有不少不見樣子的手從走廊伸出手機、相機偷拍Theo。
△鏡頭再轉，Theo一個人入電梯，見四方八面即有人爭相跑出，你推我撞，目的只為與Theo同乘一Lift。
△其中一位女員工使出渾身解數，包括批踭、踢上五吋下五吋、插鼻窿，雖然頭披髻散，但成功打敗其他對手，爭得與Theo同乘一Lift的資格。
△偏偏此時，電梯門已經關，Theo獨自上樓，女員工氣炸。
※　　　　　　　　　　※　　　　　　　　　　※
△Dom戴黑超，一身型仔打扮如模特兒行天橋般步出，自信滿滿的準備離開On Call Broadband。
△早已圍在門外等候的腐女粉絲一見Dom步出，像蜜蜂舔蜜糖般蜂擁上前，圍住Dom。
腐女們：（碎嘴）我好鍾意你！/（普通話）我喜歡你！（韓文）사랑해요（Sa Lang Hae Yo）！／I Love You ／（德文）Ich Liebe Dich⋯
△腐女們示愛期間，瘋了般的剝掉Dom的衣服。
△鏡頭一轉，腐女們散去，Dom被搜掠完後，只剩下一條孖煙通、一條襪子和一對鞋。
△時旁邊一名腐女粉絲哭得肝腸寸斷。
Dom：（好心上前安慰）做咩喊得咁傷心呀？
腐女粉絲甲：（傷心）我一件都搶唔到！
Dom：（脫下最後一隻襪）我仲有隻襪，你愛唔愛呀？
腐女粉絲甲：（喜出望外）愛呀！我真係好愛你！老公！我要嫁畀你，愛你一生一世！
△「愛」、「老公」和「嫁」打在Dom心，笑不出。
註：現在已到最後清貨階段，請大家有心理準備，哈哈，本來打算無縫連接《十二傳說》，但暫時不知何時播了。