姚子羚失恋　搵智雯施嬅陪食甜品疗情伤
甜嘢系唔开心时最好嘅恩物，喺失恋时食佢心情都好番啲！好似艺人姚子羚（Elaine）咁，日前正式宣布同拍拖3年嘅男友郑子邦分手，回复单身嘅佢不愁寂寞，因为有班好闺密“胡说八道会”喺身边！成员之一嘅李施嬅就喺Instagram上载同子羚及黄智雯合照，原来失恋嘅子羚约咗两位姊妹去食糖水疗情伤，三人都戴上Cap帽同着上深色衫，仲要齐齐素颜添，真系衬到绝呀！
相中嘅子羚托住个头微笑，有姊妹安慰同有甜品食，心情似乎唔错！网民都留言叫子羚加油，仲大赞佢哋素颜都咁靓呀！