【旭日华光】【新闻】阿女拍拖一年趕嫁 黃日華 肉赤落閘

阿女拍拖一年趕嫁 黃日華 肉赤落閘
on August 31, 2017 at 15:16
黃日華的27歲愛女黃芷晴，同曾從事酒店工作的圈外男友Jimmy拍拖一年多就趕住閃婚，據知芷晴近日更加唔理阿爸意見，答應男友求婚，二人已著手籌備婚禮！眼見準女婿事業未成，怕阿女嫁人後仲要捱！黃日華擔心到落閘阻婚：「仲未睇到男仔嘅優點！」
阿女拍拖一年趕嫁 黃日華 肉赤落閘
27歲的黃芷晴同曾從事酒店業的Jimmy Fung拍拖年多，二人早於芷晴讀大學時認識，直至年多前偶然撞番，兩人極速譜出戀曲，拍拖半年已經有結婚計劃！黃芷晴替雜誌拍婚紗照時，更恨嫁恨到出口表示，原本想搵男友一齊拍，但又怕太主動所以打消念頭！


先斬後奏 籌備婚禮
據知近日男方一班親友，已經收到Jimmy同黃芷晴結婚消息，二人已著手籌備婚禮，黃芷晴亦開始搵人設計婚紗。為免阿爸反對，實行先斬後奏！據知情者透露：「其實同Jimmy拍拖無耐，芷晴已經好想結婚，佢仲諗埋結婚之後會生一個小朋友，又打算租屋同老公搬出去住，華哥好緊張個女，梗係想佢揀個啱先啦！但芷晴就單方面有晒planning！」

黃芷晴已著手籌備婚禮，亦開始搵人設計婚紗！



一班好姊妹更加幫芷晴在Facebook催婚，Jimmy更 留言：「記得等飲我地（哋）果餐﹗」

黃日華：我未睇到個男仔嘅優缺點
出名係絕種好男人的黃日華，當然想個女搵個一樣有膊頭有承擔嘅男人照顧，不過這個未來女婿似乎未達標，Jimmy本身成個大細路咁，事事要女友照顧，之前芷晴就透露男友連「小強」都怕，要佢保護番轉頭！芷晴密友透露「咪睇芷晴外表柔弱，對住男友好有主見，仲會保護對方。今年二月底一家人去泰國旅行，芷晴都預埋男友，等佢可以同阿爸溝通多啲！不過全個旅程，佢哋都冇乜兩句！」早前黃日華接受訪問時，提到女兒想嫁要先過佢嗰關，佢就話：「個女大個自己決定，不過佢哋拍咗好短時間啫，我未睇到個男仔嘅優缺點。」即係根本未過華哥嗰關。

駕車外出的黃日華，在 車上愁爆吸電子煙，雖然心情麻麻，但見到記者亦友善揮手。

黃日華出名愛妻號，當然想女兒同樣搵到個好老公！

發明星夢
唔識保護女友已經係男人大忌，而曾做酒店行業的Jimmy，見女友在娛樂圈工作五光十色，竟然有意放棄現時工作， 想入行做明星，事業無成仲大發明星夢，令錫女錫到燶的黃日華氣上心頭！為助男友爭取機會，黃芷晴拍乜都引薦男友，上年二人一齊拍手錶廣告，亦是芷晴向廣告商提議情侶檔演出，才令Jimmy成功踏出第一步，近日又經常帶男友出席公開活動，幫到出晒面。

去年底， 黃芷晴拍廣告，主動推薦男友畀廣告商，提議情侶檔演出，幫到出面。

男友放風想入娛樂圈，黃芷晴去到邊都孖男友一齊出現，之前試過一齊入馬場。

為幫愛女，15年黃日華答應幫香港電視拍劇，同女兒父女檔拍住上！
就晒男友
一向乖乖女的黃芷晴，每次拍拖都非常投入，今次對住同樣有早婚念頭的Jimmy，兩個就相當啱Key。大學修讀設計系的芷晴，試過出自家品牌「Oh My Deer」，不時自己做手工設計氹爹哋媽咪，但自從同Jimmy拍拖後，就乜都男友第一！

黃芷晴係孝順女，以往經常整蛋糕氹阿爸黃日華，難怪芷晴拍拖後，黃日華不時呷未來女婿醋！

之前Jimmy姪女生日，芷晴更為對方設計生日蛋糕兼幫手整嘢食慶祝。就連今年食團年飯，佢亦先就男友時間， 阿爸都只係副選。

拍拖半年，黃芷晴已 經融入男友屋企，除了經常煲湯整嘢食氹男友，早前男友姪女生日，她亦落手整蛋糕，簡直準新抱上身一樣！

黃芷晴拍拖非常投入，對男友家人亦愛屋及烏，一樣咁照顧，不時落手整嘢食氹男友屋企人。

新加坡預支蜜月
而今年五月，同男友去新加坡過生日兼慶祝拍拖一周年，黃芷晴開心大晒fit爆泳裝照，而這輯泳裝照相信由Jimmy操刀！



全文完

东方新地新闻地址
http://www.orientalsunday.hk/%E6%9C%80%E6%96%B0%E5%A8%9B%E8%81%9E/%E9%98%BF%E5%A5%B3%E6%8B%8D%E6%8B%96%E4%B8%80%E5%B9%B4%E8%B6%95%E5%AB%81-%E9%BB%83%E6%97%A5%E8%8F%AF-%E8%82%89%E8%B5%A4%E8%90%BD%E9%96%98/

【呷醋外父嫌女婿】黃日華對男友冇微言 黃芷睛：未有實質嘅結婚計劃
最後更新: 0831 16:13 / 建立時間 (HKT): 0831 11:11

【新增回應】
戀愛大過大嗰陣，就會爹親、娘親，都不及男友最親，講緊就係，黃日華獨女黃芷晴囉，27歲已經有一顆恨嫁的心!?
芷晴自2015年同拍拖3年嘅男友Bryan分手後，翌年同曾任酒店業嘅Jimmy相戀，二人喺讀大學時認識，今日有周刊指，佢哋拍拖半年已經plan結婚，打算生小朋友、搬出去租屋住，有傳芷晴答應男友Jimmy求婚，男方家人已收到消息，黃芷晴都搵人設計婚紗，話晒黃日華一向好緊張個女，所以對呢位「準女婿」有微言，講明未睇到個男仔嘅優點，今年2月一家人去泰國旅行，黃日華同Jimmy都冇乜幾句。
據報道指黃日華最不滿係呢位「準女婿」Jimmy都想入娛圈，放棄o依家嘅職業，芷晴為咗幫男友，拍咩都要引薦埋男友，拍廣告都會提議情侶檔，據好友透露芷晴每次拍拖都好投入，上次同Bryan拍拖已想結婚，不過Bryan未想早婚，二人先分手收場，點知今次遇上Jimmy又係想早婚，今年食團年飯，芷晴都係就咗男友屋企先，之後先同爸爸媽咪食，不過芷晴同Jimmy始終仲係後生，加上芷晴又緊張男友，佢哋都成為啲小事而嘈，難怪有傳華哥同老婆梁潔華都勸個女要睇定啲先。
黃芷睛今日接受《蘋果》訪問，佢話：「睇到報導，覺得好好笑，因為內容好多都係作嘅，不過都想澄清一下，我爸爸絕對冇對男朋友有微言，可能平日我出席活動話爸爸呷醋，純粹講笑，佢哋相處好好，成日一齊食飯，我都有將陪家人或者男友嘅時間分配好。」
講到Jimmy想入娛樂圈，芷晴話：「我想澄清男友絕對冇發明星夢，唔係想入行，以前嘅廣告拍攝同出席活動，都係我拉佢去，佢絕對冇話想借上位嘅意思。我知道佢有少少唔開心，我希望外人唔好誤會佢，亦希望今次唔會影響佢嘅工作同家人，好彩佢嘅屋企人都好明白，冇介意。」至於結婚，芷晴話：「呢樣真係順其自然，完全未有實質嘅計劃，多謝謝謝關心呀！」

感觉媒体好像挑拨离间

这男的长的好差，估计下一代生出来颜值更不可能高啦，本来还想想华哥孙辈能有长的像他一样好的