方中信前晚偕同太太莫可欣出席首映禮，身為前慧妍雅集會長的莫可欣被問到近日梁小冰與陳法蓉（Monica）發生的「制服風波」，莫可欣說：「兩個我都識，覺得兩個都好好人，以前做會長時，Monica成日提點我，佢係有心幫人，小冰就好nice，上次我做慈善步行佢都來撐我，我諗係誤會啫，大家以和為貴啦！」問到她會否做和事佬？可欣就拒絕說：「唔會啦！我又唔在場，又唔知發生咩事，不過睇到新聞，大家唔好講咁多嘢囉，大家做呢一行，有好多情況會遇到，唔係個個都會受到尊重，有時個環境影響，唔係有心，自己都遇過呢啲情況，都係一笑置之，拎得起，放得低，做人至會開心。」

梁小冰指陳法蓉為人「好倔」，問到可欣所接觸到的Monica又是否如小冰所指？可欣說：「佢對我好友善，所以我都好驚訝點解會有呢種事發生，我需要幫手時，Monica有幫我，已經好感激。」