沪语短篇小说：上海知青垃了黑龙江八岔岛个战斗

前言：
上世纪六十年代末，一群来自上海个知青，来到祖国个最北端，抱了保卫祖国每一寸土地个壮志，时刻准备了抛头颅、洒热血。当以往电影中战斗画面真个展现垃伊拉面前辰光，迭些并未受过正规军事培训个年轻人加上几个外地知青，凭了一腔爱国激情，奋不顾身与敌方个正规军激烈战斗。
八岔岛事件显示了以上海知青为代表个中方维护国家主权和领土完整个决心，苏方也弗得弗默认中方对八岔岛个实际控制权，此外涉及航标个历史遗留问题也逐步得到了解决。

一。
1969年3月3日，正是早春气息刚刚降临江南个季节，立垃上海外滩延安东路摆渡口朝浦江对过望过去，一层似纱似雾个绿意已经批了浦东大地浪了。费国良，是上海交大附中的68届高中毕业生，今朝搭仔几个朋友一道到浦东，去朋友黄清屋里勃相，顺便商量一道报名去内蒙古大草原插队落户个事体。
“阿良！”，正垃了看野眼个费国良肩胛高头突然被啥人狠性命打了一拳，一口香烟也呛了进去，一记头就人沤下去穷咳了，刚吃了半支个香烟也从栈桥格栅缝里漏过，落到下头个黄浦江江滩浪去了。一只大闸蟹奇巧经过，吓了刷刷刷滑脚，钻到一只蟹洞里再也弗出来了。
“出纳！,啥事体啊？那娘个一支红壳子噢。”费国良一看，原来是搭仔蒋海星。蒋海星也弗接口，一边拉费国良一边讲；“快去看呀，黑龙江伊面豁上了。”
摆渡口报纸橱窗里，一张解放报用醒目个黑体大字标题，报道了一起黑龙江边防部队被迫进行自卫还击个消息。
两个人一对眼，点点头。蒋海星讲：“哪恁？一道商量商量去？”“好个。”
磁轮渡轻轻个撞了记囤码头，费国良小指头一弯，塞进嘴巴，打了只口啸。一帮人就跟了其他乘客，上船了。
一眼眼靠近个对岸，垃了低矮个楼房、浦东公园绿荫之上，耸立了一座高高烟囱。几个小年轻，拢了一道，呒没讲啥言话，眼睛侪看了烟囱，目光炯炯，青春、激情搭勇气，随了目光飞扬。（待续）

c兄，文章能出个豹头就已经不错了，停笔是对的，哈哈．．．．
我撒辰光也想来一篇，纯做娱乐即可．．．．．嘿嘿．．．

八岔岛知青民兵

三．
火车一路北上，景色越来越荒凉。一过长江大桥，黄色基调就取代了绿色。山是越来越秃、河流是越来越少而且水也越来越小。用黄清个言话讲，“我一泡水也比河浜里个水大”。难般路经城市，也土里土气。人格穿着打扮，还勿及上海郊县农民伯伯。醒目个标语、招贴，倒是比房屋、设施还要鲜亮。
无聊气氛逐渐浓了起来，知青们拿出帕斯牌、象棋等，三人一伙、四人一组勃相起来了。还有“书呆子”们，也匟出（翻找）书来读。有个还鬼畜毛边偃偃较搿样子，黄清眼睛一瞄，就晓得肯定是外国小说、名著之类。
“哎！吃支香烟去伐？”黄清朝搭仔们叫了声。费国强蒋海星正垃拉象棋盘上杀了昏天黑地，头也弗抬，“哦，侬先去伐。”
黄清一家头走到车厢连接部，摸出一支飞马，用洋火点了，无声无响吃了起来。从车门窗望出去，一片黄灰色，除了铁道两侧行道树，原野上松松垮垮种了勿晓得啥个作物，干巴巴个土地，像煞已经被作物又榨干了一遍。熟悉历史个黄清，叹了口气：“怪勿着古代记载松江一府之产，能抵三成岁入。。。”“喂！侬那恁好垃拉车厢里吃香烟啦？”一声娇斥，打断了黄清个思绪。
黄清别过头一看，是个女知青，中等身材，穿了件大红绒线衫，身材丰满，腰肢挺拔纤柔。一双特别亮个眼睛，睫毛修长，薄薄个双唇红亮水润，嘴角却带有明显个挑衅。乌黑个长辫子一只垃拉身后，一只垃拉前头荡到腰际，一只羊脂白玉样个手抓牢辩脚透绞动，露出主人一丝紧张。
两个人一照面，侪有眼发呆呀。。。。。。。。

唉！自谦个话，顶多讲自家个作品是“拙作”。
“劣作”？有点自我作践个味道啦噢。。。

用上海闲话写小说，伐错哦。毕竟是小说，勿是历史，不必当真，哪怕用瞎说封神榜乱说西游记的态度去写，也没什么大不了的，当然最好写好以后再改成沪语电视剧本，争取上电视，嗰就功德圆满了。

声明：
我勿是伊嗰时代亲历者，主要目的，为了写沪语小说。之所以选材知青，因为伊嗰辰光，上海人侪是讲沪语个，
写当代故事，缺个就是生活当中，相当一批上海人，特别是年轻人沪语胡普混杂，甚至胡普占多数。有违沪语小说初衷。
离开实际生活，任何叙事，侪是无源之死水，臭不可闻。
I

五．
饭吃好，一会钞，一塌刮子一块八角几分洋钿。蒋海星吹了记口哨，悄悄对费国良讲：“嘎便宜啊？上海人工资倒髙勿了多少，物价倒是外地几倍。我出纳！”
支线火车一直到夜里才到绥滨，气温越来越低，大家侪掯出军棉大衣穿好。一帮人刚刚出火车站，就听到南腔北调咯电喇叭呼叫此起彼伏。其中，上海言话最多。
“27团工副业4连、八岔岛有伐？27团工副业4连、八岔岛有伐？。。。。。”一个宏亮咯声音传了过来。来人高大、皮肤黝黑粗糙，穿了一套狗皮大衣，头戴狗皮帽，皮裤子高头泥迹斑斑，募生头里一看，绝对想勿到是上海人，所以，纯正、高语速咯沪语从伊嘴巴里发出来，有一种滑稽咯感觉。只有一双眼睛发出见过世面咯伶俐、浑身上下随走动散发出上海人特有咯神韵。来人是27团工副业4连连长顾卫国，身边跟了两个当地人司机。
人到齐了，顾连长领大家上了一辆敞篷卡车。关照大家多穿眼，加眼绒线衫。黑龙江夜到气温低，覅弄伤风了，还有上百公里要走唻
顾连长坐了副驾驶座浪，一个轮换咯当地司机老黄就搭十几个知青一道，坐了干草铺咯车厢地板高头了。
当地司机老黄健谈、热情，牛屄也大。一歇歇就搭知青打成一片了。伊拿了烧酒瓶，讲一歇渳一口、讲一歇渳一口。有个知青从旅行袋里掯出上海五香豆来招待伊，搭伊一道渳了几口。老黄更加起劲了，“哎呀”“哈呀”一路吹起“咱黑龙江”起来。东北三宝、野鸡飞进锅盖是逃勿脱咯。边境紧张形势也是一大话题。还有沿江地区生产、生活特点，啥封江、开江、冰上捕鱼。。。。。。一口一句大江大江咯。信息量是蛮大咯。还混了交关具有农村地区特色咯黄段子，唱了几段特黄咯二人转。男知青听了扎劲煞了，欢声雷动。女知青小幽、看看反复好几次面孔通通红。黄清于大呼小叫之间，居然有空严肃咯对伊拉讲：“要正确对待搭理解边疆人民风俗习惯，记牢，阿拉是来接受再教育咯”。小幽面孔又红了：“死腔！”，突然出粉拳，狠性命打了黄清一拳头呀。
清晨，薄雾弥漫，红霞微微透过，撒了白桦林、草甸子浪。风有眼增大，前方视野开阔起来。薄雾团团移动，车子左侧渐渐显露出一条大河浜来。江面上冰排流淌，正是“开江”（当地土语，春天到了，冰冻三尺的江面开始溶化）辰光。卡车司机略带神秘地对知青们讲：“你们知道这是什么江吗？这就是大江------黑龙江。你们到了最前线了。”I